Seg74

Jæja þá er nú að síga á seinni hlutann á þessu :)

Tue, 10 Jul 2007 19:31:52 GMT

Það gengur ágætlega á síldveiðum núna en stefnir samt allt í að það verði einn eða tveir túrar eftir þjóðhátíð svo að maður verður örugglega bara í eyjum þá helgina.

Svo byrjar líka skólinn hjá okkur Önnu í kringum 20 Ágúst svo að það verður lítið um sumarfrí þetta árið.

Já svona eins og í fyrra hehe.

Já við Anna ætlum í framhaldsskólan í Vestmannaeyjum og hún ætlar að klára Sálfræðina en ég ætla að taka 1 og 2 stigið í vélskólanum og sem tekur 4 annir og fer svo í 3 og 4 stig í Reykjavík eða á Akureyri eftir það Það eru um 3 ár sem 3 og 4 stig tekur svo að það er nóg framundan hjá okkur :)

Já og húsið er selt og verður afhent núna 15 júlí og á sama tíma fæ ég lyklana að öðru krúttlegu einbýlishúsi á 3 hæðum og með bílskúr sem ég var að kaupa.

Svona til að hafa einhvað að gera með skólanum, allavega fram að áramótum :)

Hvað er annars að frétta af ykkur þarna úti? eru ekki allir á lífi enþá??

Sjómannadagur 2007

Sat, 02 Jun 2007 18:11:18 GMT

Þá er þessi blessaði Sjómannadagur komin eina ferðina enn.

Anna var í róðrarliðinu hjá stelpunum í Vinnslustöðinni og þær gerðu sér lítið fyrir og unnu strákana á Berg Ve með miklum yfirburðum :):)

Það var frábært að sjá hvað það var hlegið að þeim þegar þeir komu upp á bryggju:)

Þær voru reindar með mjög góðan tíma og slógu út fullt af öðrum liðum.

Stelpurnar úr Ísfélaginu mættu ekki á svæðið enda bara kjellingar sem vinna þar :)

Drullusokkar

Fri, 25 May 2007 00:38:02 GMT

Jæja þá erum við Anna komin í Drullusokkana :)

Ég er númer 87 og Anna er númer 86

http://www.drullusokkar.com

Komið nýtt hjól í skúrinn

Fri, 18 May 2007 16:23:44 GMT

Jæja þá er maður komin á hjól aftur :):)

Ég á eftir að mynda það en fann mynd af nákvæmlega eins hjóli ;)

Jæja byrjum á þessu bara :)

Fri, 18 May 2007 07:16:42 GMT

Þetta er allavega kofinn.

Ég tek með mér vélina í dag og smelli nokkrum myndim til að gera Fyrir/Eftir myndir þó svo að þetta sé bara hálfnað :)

Home Sweet Home

Mon, 14 May 2007 07:33:22 GMT

Hæ hæ...

Já myndir segið þið..

Málið er að ég fór á sjó í 10 daga eða svo og var á kolmunaveiðum suður af færeyjum svo að það varð smá stopp :)

En núna er ég komin í 2 vikna frí svo að það ætti einhvað sniðugt að fara að gerast.

Verst að ég er komin með hugan við að fá mér hjól aftur svo að það er alltaf einhvað til að tefja mig hehe.

Ég skal setja inn myndir af kofanum í kvöld :)

Sól og bíð.... ok þá Sól og rok

Tue, 24 Apr 2007 17:04:01 GMT

Jæja hvað segið þið þarna úti?

Svona fyrir þá fáu sem ekki vissu þá var ég að versla mér einbýlishús hérna á eyjunni.

Það tók ekki nema einn dag að gera það fokhelt.....

Allar hurðar,skápar,gólfefni,eldhúsinrétting og allt baðið einsog það leggur sig fékk að fjúka út í ruslagám.

Ég þarf nú að setja inn myndir því það myndi engin trúa þessu óséð ;)

En allavega þá er núna byrjað að pússla þessu öllu saman aftur.

Búið að panta hurðar í allt húsið,geeeeeeeðveika eldhúsinréttingu og innréttingar á baðið og í þvottarhúsið og verður þetta allt úr hnotu ásamt 2-3 skápum á víð og dreif um húsið.

Enda er þetta ekki nema 5 svefnherbergi :) 215 Fm með innbyggðan bílskúr.

Jæja best að fara uppí hús að vinna:) ég tek með mér myndavélina

Bæjjjóhh

Jæja, Nú er Loðnuvertíðin POTTÞÉTT búin ;) :P

Wed, 18 Apr 2007 18:45:58 GMT

    Síðan ég sinnti ykkur síðast er ég búin að fara í bústað með Tinnu frænku og Marra. Í Reykjavíkinni fékk ég mér nýjan Sony Ericason Walkman og blootooth handfrjálsan :) Það var hringt í mig þegar við vorum komin í bústaðinn og sagt mér að mæta um borð því við værum að fara út aftur - það fannst meiri loðna. Ég ákvað að láta sumarbústaðarferðina bara kosta svona hálfa milljón og sleppti þessum túr, en fór næsta túr í staðinn. Við þurftum að brælustoppa í Reykjavík svo Anna kom bara til mín og við vorum uppá landi aðra helgina í röð.
    Á Laugardeginum tókum við bílasölurúnt á leiðinni til Tinnu og fundum Accord sem ég kolféll fyrir og keypti bara á staðnum. Sem er skrítið því við ætluðum bara að kíkja einn hring, en helgina á undan þá vorum við búin að rúnta og rúnta um bílasölur í þeirri von að finna eitthvað sem okkur litist á og fundum ekkert :P

    Um páskana fórum við norður, það var alveg ljómandi. Ég fékk bleikar bollur hjá tengdó, eins og alltaf þegar ég fer norður til hennar :D Við fórum líka aftur á skauta og það var þrælgaman, hittum systir Önnu og manninn hennar, þau buðu okkur í spil og mat og gáfu okkur svo nokkur borðspil svo það verða spilakvöld uppi á teningnum á næstunni, care to join?
    Ég fór svo á rúntinn og keyrði til Dalvíkur, skoðaði safnið þar og keyrði svo til Ólafsfjarðar tók þar pínu hring og aftur til Akureyrar þar sem við kíktum á afa og ömmu hennar Önnu. Þau voru að kaupa sér glænýja íbúð, þrælflotta. Þau löbbuðu um og sýndu okkur allt, svaka spennt. Afi hennar sýndi mér það sem hann er búinn að vera að skera út og amma hennar sýndi henni það sem hún og aðrar hafa föndrað þarna :)
    Á páskadag fékk ég tvö egg, bæði frá Önnu. Annað var Nóa Sírius númer 7 og hitt var svona pappaegg með nammi og fleirru inní :D ;) Þá um nóttina keyrðum við svo norður og náðum fyrri Herjólfi heim.

    Ég fór svo einn túr á Gandí með Gunnar Inga og pabba en eftir það er ég bara búinn að sofa fram að hádegi, rúnta og bóna bílinn :P ;)

Jæja, best að hætta þessu blaðri og fara að finna sér eitthvað að gera
- Kv. Sæhetjan -

Loðnuvertíð lokið

Sat, 10 Mar 2007 21:04:26 GMT

Þá er loðnan að verða búin og ég hef smá tíma til að blogga hvað hefur verið að gerast.

Um áramótin vorum við hjá Gunnari bróður og Auði og það var alveg frábært, góður matur og frábær félagsskapur. Við horfðum á flugeldana að mestu heiman frá þeim en fórum líka á flugeldasýninguna fyrir mat með Jónínu, Lindu Kristínu, Sólveigu Lind og Ragnheiði Rós.

Á þrettándanum horfðum við á flugeldasýninguna og brennuna og kíktum svo á Gunnar og Auði og fengum góðgæti eins og við gátum í okkur látið. Svo vorum við bæði að vinna um kvöldið og það var brjálað að gera og margir sem komu, það var eitthvað um slagsmál og ég á leiðinni inn í ein þegar Anna labbaði fram fyrir mig á leiðinni í fatahengið og hafði ekki hugmynd um slagsmálin sem hún stefndi inn í, svo ég þurfti að rífa hana frá áður en ég komst að :lol:

Síðan fór ég bara á sjó að leita að loðnu um miðjan janúar og er búin að vera á sjó síðan þá, og í einhvern tíma vorum við á tveimur bátum, hoppuðum um borð í Ísleif þegar við komum með Sighvat í land, og öfugt. Ég er lítið búinn að hafa tíma til að gera nokkuð, og allra síst til bloggs, en lofa að bæta mig :klikk:

Í dag var ég svo loksins að koma í land með síðustu loðnuna þessa vertíðina, nú getum við farið að þrífa Sighvat og fara í frí fram yfir páska, nema ég fari á sjó einhversstaðar annarsstaðar :haha:

- Kv. Sæhetjan -

Jólablogg

Thu, 28 Dec 2006 04:31:39 GMT

Jæja! Þá erum við að fara að koma aftur heim til eyja. Þetta er búið að vera frábær hérna fyrir norðan!

Góður matur, mikið af pökkum og mikið af fjölskylduboðum. Linda var hérna með okkur fyrir norðan um jólin og er búin að skemmta sér alveg prýðilega vel. Þetta er búinn að vera frábær tími :)

Anna dró okkur á skauta fyrir jólin og átti ég von á því að vera í gifsi yfir jólin því ég hafði aldrei farið hvorki á skauta né á línuskauta áður. Þótt ótrúlegt megi virðast þá náði ég aldrei að fljúga á hausinn fyrr en eftir tvo tíma, enda vorum við þá farin að leika okkur vegna þess að Anna vildi endilega að ég myndi upplifa eina bossaferð, sem var bara gaman :lol: Ég átti ekki von á því að það yrði svona gaman að vera á skautum. Linda Kristín er náttúrulega vön línuskautum svo hún var mjög fljót að ná þessu, þó svo að hún hafi dottið miklu oftar en ég, hehehehheheheh 8)
Ég á pottþétt eftir að gera þetta oftar, og mæli með þessu :)

Við Anna, Linda og tengdó vorum hjá Valey, Hjalta og Hildi á aðfangadagskvöld. Þvílíkur snilldar matur sem þar var á boðstólnum svo rigndi yfir okkur pökkum eftir matinn :D

Jæja best að koma sér í háttinn, langur dagur framundan

........--------SEG-------........

Alveg að koma Jól

Wed, 06 Dec 2006 15:08:50 GMT

Jæja, þá er ekki neima einn túr eftir fyrir jól, svo það styttist í að maður fer norður.
Hondan er komin á nagladekk og allt orðið klárt fyrir það 8) Enda má ég víst eiga von á hvítum jólum, svona til tilbreytingar, fyrst ég verð fyrir norðan. :)

Það verður farið norður um 15. Desember og örugglega ekki komið norður aftur fyrr en eftir áramót. Eini gallinn við það er sá að þá næ ég ekki að vinna uppi í Höll á annann í jólum og áramótunum eins og mér finnst svo gaman :$ En það er gaman að prófa eitthvað nýtt, alveg sérstaklega þar sem Linda Kristín ætlar að fara með okkur norður :lol:

Það er ótrúlega margt búið að breytast hérna í íbúðinni hjá okkur. Við ákváðum að kaupa okkur tvo þakglugga og láta setja þá í. Í leiðinni var öllum húsgögnum í stofunni og eldhúsinu hent, nema auðvitað glænýja sófasettinu :lol:
Síðan skutumst við skötuhjúin í bæinn og drógum Fanney vinkonu okkar í verslunarleiðangur, versluðum okkur sjónvarpsskáp, DVD hillu, sófaborð, eldhúsborð, eldhússtóla, allt í birki. Keyptum líka gestasængur og kodda svo að nýji svefnsófinn er endanlega kominn í gagnið ;)

Síðan var íbúðin öll máluð, baðherbergið var tekið í gegn líka og baðkarið lakkað upp á nýtt, svo það er eins og nýtt núna :haha:
Einnig voru flísarnar í ganginum brotnar upp og lagður hiti í gólfið, flotað og flísalagt upp á nýtt. Það er óhætt að segja að þessi íbúð er orðin þokkalega flott! 8)

En þær breytingar sem ég er samt ánægðastur með eru líklega þær að ég keypti mér nýjan Pioneer magnara við Bose heimabíókerfið mitt, og gamli Pioneer magnarinn minn (sem er reyndar drullugóður) var settur upp inn í svefnherbergi ásamt DVD spilara og glænýju Jamo heimabíó-hátalarakerfi ;):haha:

Eini gallinn er sá að þetta er svo öflugt að ég þarf að herða reglulega upp á eldhúsinnréttingunni svo hún hrynji ekki í sundur :P:haha:;):D8):lol::):o

En hvað er svo að frétta af ykkur, hvað langar ykkur í jólagjöf í ár?

Er ekki komin tími á að blogga?

Sat, 21 Oct 2006 12:20:29 GMT

Jæja þá er maður mættur aftur á svæðið :)
Það er nú orðið langt síðan ég hef bloggað enda búið að vera nóg að gera bæði í vinnu og heima.

Það er komin Síldveiði hér við land svo að þessar smuguferðir sem vorð að taka allt upp í 14 daga eru búnar í ár :)
Núna er þetta frá einni nótt og upp í 2-3 daga eftir veiði og veðri.

Hérna heima er búið að vera nog að gera líka.
Ég og Gunnar bróðir minn erum búnir að vera að taka baðherbergið hjá ömmu gömlu í gegn.
Það var allt rifið út og settur hiti í gólfið og svo var gólfið flísalagt.
Veggirnir allir flísalagðir og sturtuklefinn líka.Sett nýtt klósett og vaskur,ljós,handklæðaofn,skápar og allur pakkinn.
Þvílík stórglæsileg snilld sem þetta er orðinn :):)
Svo það er búið að vera nóg að gera.
Anna er að vinna í síld og var hún sett á lyftara og er á 12 tíma vöktum svo það er nóg að gera hjá henni líka.
Það er að fara að styttast í vetur hjá okkur og fer að fara að kólna svo að ég ákvað að fara að versla handa henni eitt stykki bíl svo að hún þurfi ekki að vera að eyða öllu hádeginu í að labba í og úr vinnu :)
Það varð fyrir valinu Honda Jazz 2004 módel og það alveg þrusu flottur bíll:)
Svo núna þarf hún ekki ð vakna alveg jafn snemma og labba í vinnu á morgnana ;)

BLOOOOGGGG

Mon, 02 Oct 2006 12:24:33 GMT

Jæja þá er maður kominn aftur í smuguna :) Þetta er að verða eins og manns annað heimili eða reindar það þriðja því við eigum víst "Sumarhús" á Akureyri hehe.
Ekki það að ég hafi haft tíma til að nota það neitt í sumar ef undanskilin er ein nótt í September.
Það er ágætt að vera kominn um borð í Sighvat aftur því hér er fínt að vera og fínir kallar. Við vorum rúma fjóra sólarhringa að sigla hingað svo að maður ætti að vera út hvíldur fyrir mokið. Gullbergið er komið með 550 tonn eftir fyrsta halið svo að þetta ætti að ganga hratt fyrir sig. Saman tökum við um 2700 tonn og þessu verður líklega landað í Eyjum. Eða það vona ég alla vega.

Anna er að vinna alla daga og helgar og er engu líkara en við vinnualkarnir séum að metast um hvor vinnur meira og fær meira útborgað ;) Mig grunar nú að ég sé samt með vinninginn undanfarna mánuði en hún sækir á ;) Enda er hún orðin svo "Hörð" afsér og mikill nagli.

Anna er líka búin að vera að ráðast á mig og heimta að hún fái að kaupa bíl sem hún átti einu sinni og vill fá aftur sem er Dodge Charger 74 model ef ég man rétt og er bara hin þokkalegasta kerra.
Ég var víst búinn að segja henni að ef hann færi á sölu mætti hún bjóða í hann en það gengi fyrir að ég fengi Cherokee Jeppan minn því ég vill fara að koma græjunum mínum í einhvern góðan bíl..

Á ég að láta þetta eftir henni ?? ;)

Hvað er svo að frétta af ykkur þarna úti? Ég fór bloggrúnt áður en ég fór á sjó svo ég er svona nokkurn veginn inn í öllu en það er komin samt tæp vika síðan

BLOGGGGGG

Tue, 12 Sep 2006 10:41:16 GMT

Jæja loksins nýtt blogg :)
Mér finnst svo ferlega fáir kvitta að ég blogga næst þegar ég er komin með ja svona 10 komment eða svo 8)

1. Hver ert þú?
2. Erum við vinir?
3. Hvenær hittumst við fyrst og hvernig?
4. Hefur þú hitt mig?
5. Ertu hrifin/nn af mér?
6. Hvernig þekkiru mig / Hvernig veistu hver ég er?
7. Láttu mig hafa gælunafn og útskýrðu afhverju þú valdir það.
8. Lýstu mér í einu orði.
9. Hvernig leist þér á mig þegar þú sást mig fyrst?
10. Lýst þér ennþá þannig á mig?
11. Hvað minnir þig á mig?
12. Ef þú gætir gefið mér eitthvað hvað myndi það vera?
13. Hversu vel þekkiru mig?
14. Hvenær sástu mig síðast?
15. Hefur þig einhvern tímann langað til að segja mér eitthvað en ekki getað það?
16. Reyki ég?
17. Trúi ég á Guð?
18. Á ég systkini?
19. Hefuru nokkru sinni öfundað mig?
20. Hver er minn besti eiginleiki?
21. Hver er minn stærsti galli?
22. Er ég uppreisnarseggur eða fylgi ég öllum reglum?
23. Hvað heldur þú að eigi eftir að verða um mig í framtíðinni?
24. Hver er uppáhalds minning þín um eitthvað sem við höfum gert saman?
25. Langar þér að kyssa mig?
26. Á ég að svara þessu um þig? (Hvar)

Á leiðinni í síldarsmuguna

Mon, 04 Sep 2006 17:34:35 GMT

Vá, ég skoðaði blogg alltaf hjá einum gaur sem ég þekki en hann er sjómaður, mér fannst frekar dapurt að eina sem hann talaði um var hvernig gekk hjá þeim og hvar hann væri....

Ég var búinn að gleyma því að sjómennskan er þannig að það er voðalega takmarkaður tími til að eiga sér líf utan hennar :)
Enda var ég ekki búinn að vera á sjó í 2 ár áður en ég byrjaði aftur síðasta vor..
Já þetta er hlutur sem maður verður að passa......

Ég er búinn að vera heppin með það að þótt ég hafi ekkert verið í eyjum allan síðasta mánuð þá er ég búinn að geta hitt önnu samt reglulega og það er búið að vera alveg frábært enda er hún búin að vera að vera að vinna fyrir norðan á meðan ég er búin að vera á sjó.

Við kíktum meðal annars í Sveitina og fórum eftir það að versla okkur föt. Svo fórum við í mat hjá systur Önnu og manninum hennar og fengum þar Svínahamborgarahrygg með öllu tilheirandi sem var alveg ofboðslega góður: úffff hvað það var goooott. Takk fyrir mig enn og aftur :D
Síðan var spilakvöld fram að miðnætti en þá skutlaði Anna mér aftur um borð.

Núna er bara tveggja sólarhringa sigling norður í síldarsmugu.
Svo er fólk að kvarta yfir 3 klukkutímum í herjólfi hehe..

Endilega lofiði mér að fylgjast með hvað er að gerast hjá ykkur svo að ég detti nú ekki úr sambandi við ykkur.
Ég reini að vera duglegur við að skoða öll blogg þegar ég er í landi :)

Kveðja Seg.....